नागपोखरीमा नागको पूजा

  • प्रकाशित मिति : August 2, 2022
  • कान्तिपुर सञ्चार

साउन १७, काठमाडौ । प्रत्येक वर्ष साउन शुक्ल पञ्चमीका दिन मनाइने नागपञ्चमी पर्व मंगलवार परम्पराअनुसार नागको पूजा गरि मनाइँदैछ । बिहानैदेखि नक्सालमा रहेको नाग पोखरीमा भक्तजनहरू पुगेर नागको पूजा गरेका छन् ।

नजिकै रहेको नाग मन्दिरमा पुगेर वा घरका ढोकामा नागको चित्र टाँसी पूजा गर्नाले चट्याङ र आगलागीका साथै सर्प, बिच्छीलगायत विषयुक्त जीवबाट रक्षा गर्ने जनविश्वास रहेको छ । ​वराहपुराणमा उल्लेख भएअनुसार यसै तिथिमा नागराजसँग ब्रह्माको संवाद भएकाले आजको दिन नागपूजाका लागि प्रसिद्ध भएको हो ।

आज अनन्त, वासुकी, पद्म, महापद्म, तक्षक, कुलीर, कर्कट र शङ्ख गरी आठ नागको पूजा गरी दुबो, गाईको दूध, अक्षता आदि चढाइएका घरमा अगस्त्य, पुलस्त्य, वैशम्पायन, सुमन्तु र जैमिनी ऋषिले अग्निभय र विषयुक्त जीवको भयबाट बचाउने चतुर्वर्ग चिन्तामणिमा उल्लेख गरिएको छ ।