नेकपा एमालेका अध्यक्ष केपी शर्मा ओलीले कृषि तथा पशुपंक्षी विकासमन्त्री महिन्द्रराय यादवको राजीनामा मागेका छन्।
शनिबार ललितपुरको च्यासलस्थित पार्टी कार्यालयमा आयोजित कार्यक्रममा किसानलाई मल दिन नसकेको भन्दै राजीनामा मागेका हुन्।
‘मल पाउँदैन, तपाईहरू चुप लागेर कानमा तेल हालेर बस्नु हुन्छ। मल ल्याउन बाध्य पार्नु पर्दैन सरकारलाई ? दुनियाँमा त मल दिएन भने त कृषिमन्त्रीले त तत्काल राजीनामा दिनुपर्छ, के हेरेर बस्ने ? मन्त्रीले के हेरेर बस्यो ? सरकारले के हेरेर बस्यो ?,’ उनले भने, ‘अनि मुख्य काम कृषि क्षेत्रलाई हेर्नुपर्ने, मन्त्री बनाएको मन्त्री भएर भत्ता खाऊ, झण्डा हल्लाऊ भनेर मन्त्री बनाएको कि किसानलाई मल देऊ भनेर?’
उनले थपे,‘विउविजन देऊ समयमा भनेर, उन्नत जातको विउविजन देऊ भनेर, कृषिको आधुनिकीकरण गर भनेर, कृषि क्षेत्रको उत्पादन, उत्पादकत्व बढाऊ भनेर होकि ? झण्डा हल्लाऊ भनेर हो ?
उनले मन्त्री पिर्कामा सलामी खानको लागि बनाएको हो भनेर पनि प्रश्न गरेका थिए। किसानलाई आवश्यक परेको बेलामा सत्ता गठबन्धनको सरकारले मल ल्याउन नसकेको भन्दै उनले आलोचना गरेका हुन्।
